近排發現灣仔QRE都幾多野食，放假去睇吓啲舊色建築同街道，去完藍屋或者利東街打卡，轉角就會見到QRE。
搵到呢間叫ESPUMA嘅西班牙菜，西班牙文解作泡沫或者慕絲。坐底先叫咗兩杯飲品-Sangria同水果茶，內裡都有新鮮水果，而Sangria 係經典飲品，加入少量紅酒🍷令人有微醺感。
Set Dinner前菜有芝士松露醬配多士，巴馬風乾火腿季節沙律及是日餐湯羅宋湯。推薦試龍蝦汁西班牙海鮮燉飯，飲粒有龍蝦味道，濃郁得嚟唔會太咸，海鮮有青口，帶子，大蝦等等，十分豐富。西班牙式脆豬腩卷配露荀亦相當特別，三件份量剛好，既精緻又美觀。
加配甜品🍮腰果意式奶凍，有中西fushion感，平時中式糖水腰果露就見得多，而變咗做奶涷又無違和感，好滑溜，好好食！
🧸評分：🧸🧸🧸🧸4/5
