安南越式牛肉粉

營業中

休息中

真高興，最近灣仔嘅餐廳層開不窮，令我哋呢班街坊又多咗選擇！睇住之前間coffee 走，睇住個舖位裝修，又睇住佢開張，感覺好似雨後春筍咁！開心完，講返間餐廳先～Menu設計簡單，但座位方面就真係⋯⋯好似香港嘅真實情況，好擠迫，連好似劏房咁，一人獨坐，面牆獨食嘅座位都有，不禁令人唏噓。🤔🤔🤔對於撈檬呢挺嘢，我真係有舖癮，👻間間越南餐廳去到都必點！而呢個一次過擁有🐔翼🐷扒扎肉嘅撈檬，絕對係最佳選擇！🐔翼唔會炸得剛剛好，皮脆肉滑，且有實實在在嘅香茅味，👍🏼🐷扒如是，可惜有d檬粉處理得唔好，有的黐埋咗，一嚿嚿咁！🙄好在之後我落手幾重下，🙈淋咗好多汁同辣椒，將碗嘢兜咗幾嘢，嗯，真美味香茅🐷扒飯～同事都覺得個🐷扒好味！越式蝦醬扎肉炒飯～份量適中，一擺上檯已經聞到陣陣香味😋配料一點也不孤寒，每口都係有菜有飯嘅真材實料！👍🏾就當日所見，可算客似雲來，始終商場內，食物亦有返咁上下質素，下次去會叫d小食，再細嘗慢慢品味。