影片
更多
2024-02-01
357 瀏覽
今日星期一，一個得15°C嘅夜晚，繼續喺打邊爐嘅節奏。身為灣仔地膽，我同個兄弟嚟到灣仔利東街食廈QRE PLAZA開箱28樓《百花漁莊》$328一位150分鐘嘅任食海鮮火鍋。 當火鍋任食俾香港人玩到爛之際，《百花》腦洞大開將佢哋嘅手工點心同火鍋合併，玩蝦餃小籠包點心放題任食。到底火鍋配任食點心喺一個點樣嘅體驗？試服/伏開始！〰️〰️〰️🅰️ 邊爐火鍋 (雙併鴛鴦鍋 +$0)🥘 麻辣湯底 🈵️🗣 只見辣椒不見其湯，有感覺！入口麻味同辣味都啱啱好，唔喺死辣死麻有基底嘅味道，無平日食開嘅甘重油，完全喺為食湯嘅響鈴同手擀麵度身而設，辛人類必點！ 🥘 金腿蟲草花花膠雞 🉐️🗣 金黃色嘅湯底幾重肉香，幾好飲！花膠有返啲厚度唔會腍到爛，跟湯上嘅雞出得味嚟已經鞋哂，要食雞嘅話可以嗌花雕醉雞件，酒香唔會搶咗雞味嘅存在，唔錯。⚠️ 有心想試點心嘅話，粥底一定唔喺你嘅選擇。 🦞 海鮮 ▫️ 海鮮併盤 (一次性) 🉐️▪️ 按人頭計：鮑魚 x 1；帶子 x 1；小魚兒 x 1；沙白蜆 x 2；串蝦 x 2🗣 一個字“新鮮“！串蝦大大隻夠爽甜，鮑魚嫩身唔韌，沙白蜆無沙，小魚兒無細骨容易食。唯一要注意嘅喺帶子，唔小心煮耐咗會韌到變膠
當火鍋任食俾香港人玩到爛之際，《百花》腦洞大開將佢哋嘅手工點心同火鍋合併，玩蝦餃小籠包點心放題任食。到底火鍋配任食點心喺一個點樣嘅體驗？試服/伏開始！
〰️〰️〰️
🅰️ 邊爐火鍋 (雙併鴛鴦鍋 +$0)
🥘 麻辣湯底 🈵️
🗣 只見辣椒不見其湯，有感覺！入口麻味同辣味都啱啱好，唔喺死辣死麻有基底嘅味道，無平日食開嘅甘重油，完全喺為食湯嘅響鈴同手擀麵度身而設，辛人類必點！ 🥘 金腿蟲草花花膠雞 🉐️
🗣 金黃色嘅湯底幾重肉香，幾好飲！花膠有返啲厚度唔會腍到爛，跟湯上嘅雞出得味嚟已經鞋哂，要食雞嘅話可以嗌花雕醉雞件，酒香唔會搶咗雞味嘅存在，唔錯。⚠️ 有心想試點心嘅話，粥底一定唔喺你嘅選擇。
🦞 海鮮
▫️ 海鮮併盤 (一次性) 🉐️
▪️ 按人頭計：鮑魚 x 1；帶子 x 1；小魚兒 x 1；沙白蜆 x 2；串蝦 x 2🗣 一個字“新鮮“！串蝦大大隻夠爽甜，鮑魚嫩身唔韌，沙白蜆無沙，小魚兒無細骨容易食。唯一要注意嘅喺帶子，唔小心煮耐咗會韌到變膠。
▫️ 墨魚滑/蝦滑 🉐️
🗣 有肉眼可見嘅蝦肉墨魚粒，口感彈牙味道夠鮮，感覺似喺純純粹粹嘅蝦/墨魚，唔錯。 🥩 牛肉
▫️ 安格斯 (一次性) 🉐️
🗣 睇個樣似喺牛小排嚟，牛味足咬落軟腍無渣，無投訴。 ▫️ 牛胸爽 🉐️
🗣 啫喺牛胸油/牛白肉。咬落幾爽彈，油感豐富奶香奶香，算喺稀有部位好少任食有，牛控必點。
▫️ 雪花肥牛 🉑️
🗣 唔喺挑戰牙力會韌到咬唔開嗰種HEA牛，正常發揮。
🥗 田園蔬菜籃 🉐️
🗣 廚房有揀過，上得枱嘅都新鮮較嫩無爛唔黃。一個籃有齊娃娃菜，粟米，冬菇同生菜，喺夠2～3人嘅份量。〰️〰️〰️
🅱️ 任食點心
🗣 以我哋兩個嘅弱雞嘅戰鬥力，未進入點心階段已經8～9成飽，試伏嘅心態，千挑萬選咗兩個點心試下師傅嘅功架。由落單到上枱都要啲時間，熱辣辣上枱，似喺即嗌即蒸/炸。
▫️ 流沙奶黃包 🈵️
🗣 飽滿脹卜卜，包面乾身唔會蒸到濕哂，搣開奶黃流心好似岩漿甘湧出嚟，軟熟嘅包皮同鹹香嘅奶黃餡比例啱啱好，好食！ ▫️ 金絲香芋酥 🉐️
🗣 香口脆卜卜，炸得幾乾爽，香芋餡軟糯唔會太甜，喺個幾有驚喜嘅“甜品“。〰️〰️〰️
💸 連加一埋單人均$361。
⚠️ 店員話而家兩位成人免一位小朋友，喺OPENRICE訂座每位送半隻蒜蓉蒸龍蝦，性價比幾高！
🗣 枱面有張貓紙有齊每樣食材煮嘅時間，新手上路無難度！
🗣 小食，前菜同點心全程QR code落單。
🗣 每枱有獨立蒜蓉，辣椒，蔥同豉油，衛生方便！🗣 不得不讚個環境，裝修別緻，空間闊落坐位舒服，環境乾淨擺位整齊，唔會好嘈，個VIBE滿分！
張貼
