C DESSERT

營業中

休息中

竟然係平日lunch time. 1pm 舖頭未開已經大排長龍，今日時間無咁趕，排一陣隊等開門試下先：杞子圓肉雪蓮子燉桃膠先食熱既，潤下喉嚨，又唔驚敏感牙齒😆呢個甜品不太甜又滋潤，雪蓮子及桃膠滑嫩與圓肉的甘甜十分夾，杞子的清香增添了香味。榴槤黑糯米榴槤控必點！榴槤冰同榴槤肉加埋一齊，就好似食緊真嘅榴槤一樣，味道非常濃郁。加上水晶珠既彈牙同黑糯米的煙軔完美結合，口感層次十分豐富。鮮什果椰汁仙草凍椰汁香甜，仙草凍滑嫩，搭配多種新鮮水果，色彩繽紛，令人食指大動。芒果椰果冰芒果甜到爆，搭配椰果，口感清爽。再加上用新鮮芒果榨汁雪成嘅芒果冰，冰沙的細膩與芒果的香甜完美融合，帶來清涼的享受。