廚匯濃湯雞

營業中

休息中

最近天氣凍凍地，食雞煲真係一個好好既選擇。 今日係旺角經過見到呢間廚匯濃湯雞，見都幾唔錯，就入去試下。 入到去姐姐好好介紹，就簡左花膠濃湯雞鍋，配左個薯粉，再叫多個腐皮釀蝦滑。 一個人好似有啲多，但凍凍地就食多啲。 個雞鍋黎到都好吸引，簡單幾磚臘係枱上面煲住，入面好足料，一排既雞肉，再有約4，5件花膠。 仲有菇，紅棗，同好多娃娃菜係底。 啲花膠都幾厚身，最正係冇沙同腥味。 係第二度食到處理得唔好既花膠好難食，佢地呢度好唔錯。 而且雞好嫩滑，冇肥膏，仲有啲雞味，令到個湯都超好味。薯粉真係冇令人失望，夠爽滑，食左令人好舒服。 仲有好多芽菜，韮菜，腐皮，真係好抵。仲有個新鮮炸既腐皮釀蝦滑，真係不得了，竟然一啲都唔覺油膩，真係好好食。今日竟然係旺角食到間咁正既雞煲，真係好開心。