豊勝手丼 (已搬遷) 新店位置

成間鋪頭無論面門面裝修到裝飾都好有日本地道風味小舖嘅風格，店舖入面位置唔多，大家都要坐得好擠迫，但就係因為咁，正正就比到人哋一種好似真係置身於日本嘅感覺。可以自己揀想食乜，餐牌上面已經有埋圖片同價錢， 亦都可以揀設定嘅套餐，咁我同家姐揀咗個四式丼同埋一個廚師推薦，由廚師發板，但係放心餐廳嘅角落有塊黑板仔，上面寫咗今日廚師推介會用嘅材料。套餐包含咗呢啲野。面試湯同埋前菜。有汁煮牛腩嘅感覺，牛腩已經炆到好林，味道唔太濃。呢個就係當日嘅廚師推介，海膽都幾新鮮，唔腥，三文魚係用三文魚腩，都算肥美鮮甜，蟹子嘅份量有好多，仲有一款魚唔記得咗，不過都係新鮮嘅，可以放心食用，個人覺得飯嘅份量都OK，起碼冇食晒啲魚生剩低一對飯嘅情況出現。鋪頭位置小，但人流絕對唔少，我哋食個時已經坐滿左，聽到鋪頭電話不停響，不停有人打電話來book位，而且見到外面有人等位，我哋都快手快腳咁食個套餐，費事人哋等咁耐，所以喺呢度食絕對唔可以慢慢嘆咁。