慢煮八爪魚，藜麥沙律
佢哋既沙律菜次次都好新鮮好鬼清新，幾鍾意佢再加八爪魚嘅口感，份量重好多一個人真係食唔晒
竹炭脆糠牛油焗田螺• 雲吞脆片
造型好得意好似盆栽🪴雲吞脆片好香口配合幼滑嘅薯蓉牛油味好出，但個人口味認為個薯蓉個調味再濃味一d整體感覺會更佳。
法式奶油香蒜蝦球•麵包碗
真係大大力推薦，個包焗到好香脆，入面嘅醬汁嘅蒜蓉味同埋芝士味係完美結合，勁香濃，成班friend勁快K.O.
澳洲m3和牛肉眼扒，法式忌廉胡椒醬。
脆炸薯條
呢個牛扒係我哋決定會再夜晚encore嘅原因，望上去好似好生，但原來食落去係不得了，真係做到外脆內嫩，咬落去仲鎖住啲肉汁，不枉我係佢哋網店都成日買牛。
坐得舒服，性價比都幾高呢度都係唔錯嘅選擇
