牛牛日式火鍋放題 (海之戀商場) (已結業)

之前同謙謙行開 Donki 佢之後都會話想去牛牛到食放題， 今日專登等佢放學同佢去食， 我地入座前會先選食咩LV 的放題，今次我地就點選左LV3 的澳洲和牛放題， 再來係八款湯底裡各選一款，因呢到一人一鍋的，我就選擇左膠原豬骨鍋，謙謙就選左關東壽喜燒鍋。我先用QR code 落左我超喜歡的澳洲和牛， 極上牛舌，丹麥王樣牛小排，澳洲黑安格斯牛丹麥封門柳,澳洲綠草原羊肩肉，肉類方面我超滿意， 和牛點汁食入口已溶化，封門封牛味濃郁。海鮮呢到都有喎， 青口，蜆，鳳尾蝦，帶子等夠鮮甜。蔬菜和丸類係外邊食物櫃取， 夠乾淨整齊， 一般食開的丸都有提供， 蔬菜那邊選擇都多，但我都只鍾意羽衣甘藍和皇帝菜，粟米清甜可口。另外都見有炸物小食提供， 有炸薯角果d ，最正係放左幾款口味的粉，等我地可以自己shake 。呢到除左有一般雀巢甜筒仲有Movenpick 添❤️我和謙都忍唔住食多兩舊朱古力口味的雪糕。去到尾聲時突發奇想，煮左個8和牛一丁來嘆 沙嗲牛麵聽得多，我今次就和牛麵🤭 食落真係好正。呢到服務生好積極收枱做野好快手，亦會主動問謙謙好唔好食，和夠唔夠飽好窩心。