潮庭 (太古城中心)

營業中

休息中

喺鰂魚涌公園打完網球，接近午餐時間，兩口子上左四期1樓嘅潮庭嘆茶。之前喺尖沙咀分店食過飯，覺得食物質素吾錯。好欣賞佢哋嘅功夫茶。煎韭菜粿韭菜粿脹卜卜，煎到甘香，脆脆哋，好味道。豉汁蒸鳳爪大大隻鳳爪吸收豉汁，蒸到好稔入味，花生同樣稔甜。竹笙菠菜餃皮薄見到餡料，菠菜新鮮嫩綠，餡料爽口。蒜蓉蒸鮮魷火候控制得剛好,吾會蒸得太老影響口感。如果再多d豆卜就更加好喇。海鮮煎薄罉而家好少酒樓做得好味 , 唔係太多粉漿糊口就喺油淋淋。呢度做得吾錯。薄罉厚切，粉漿同海鮮比例均勻，薄罉兩面煎至金黃脆口，再加上蔥粒散發嘅香味，令人食完一件又一件。