潮樂園 (京街)

咁我係潮州人呢，一定要去潮樂園啦呢個係我第三次去潮樂園呀。第一次去潮樂園呢，就係同教會啲朋友去。第二次呢，就係同女朋友去。兩次都係去北角嘅分店。我今日去呢一間呢，就係一間新嘅天后分店。

呢間分店呢﹐就主要做鵝飯盒嘅。叫左個鵝腸鵝片飯，再加豬紅。鵝腸好新鮮好入味，同我潮州食嘅差唔多。豬紅呢，辣辣地，好和味。辣到最後要飲汽水。可能我唔抵得辣。咁當然喺潮州食嘅，會平啲啦，味道唔差得遠。希望下次都可以再食呀。