影片
更多
2018-10-28
2424 瀏覽
星期日假期懶洋洋唔想開飯，又唔知食咩好，突然諗起北角間潮州小菜館，所以就揸車去食。呢間位於七姊妹道嘅梅花村小館主力食潮州菜，六點半去到已經坐滿哂，好彩咁啱有張檯。坐低先有熱茶同咸酸菜奉上。三個人開飯其實好難叫野食，想食嘅野太多啦。最後叫左三樣菜。第一個係沙嗲牛肉炒河。一上檯就聞到好香嘅沙嗲味，而牛肉份量亦都唔少，成日覺得呢款沙河會好油好膩，但出奇地食落唔覺好油。但我覺得最重要係，加左隻蛋落去炒，食到有蛋香味！第二個菜係鹵水拼盤（細）,硬係覺得潮州野唔叫唔舒服，雖然係細但係都有唔少款，有豬耳、紅腸、豆腐、魷魚、腩肉、雞蛋、豬耳、鴨腳。味道唔錯。至於第三個菜係蜜餞梅花骨，份量唔少， 肉質鬆軟， 肉應該有炸過，所以食落好香口。而味道就係酸酸甜甜，但唔會覺得好酸，係啱啱好。另外，重配上蜜桃，呢個就有啲酸。其實三個人真係食唔哂，最後就係要外賣拎走。眼見對面檯嘅鵝片飯都唔錯，睇嚟要再嚟食啦。
突然諗起北角間潮州小菜館，所以就揸車去食。
呢間位於七姊妹道嘅梅花村小館主力食潮州菜，
六點半去到已經坐滿哂，好彩咁啱有張檯。
坐低先有熱茶同咸酸菜奉上。
三個人開飯其實好難叫野食，
想食嘅野太多啦。
最後叫左三樣菜。
第一個係沙嗲牛肉炒河。
一上檯就聞到好香嘅沙嗲味，
而牛肉份量亦都唔少，
成日覺得呢款沙河會好油好膩，
但出奇地食落唔覺好油。
但我覺得最重要係，加左隻蛋落去炒，食到有蛋香味！
第二個菜係鹵水拼盤（細）,
硬係覺得潮州野唔叫唔舒服，
雖然係細但係都有唔少款，
有豬耳、紅腸、豆腐、魷魚、腩肉、雞蛋、豬耳、鴨腳。味道唔錯。
至於第三個菜係蜜餞梅花骨，
份量唔少， 肉質鬆軟， 肉應該有炸過，所以食落好香口。
而味道就係酸酸甜甜，但唔會覺得好酸，係啱啱好。
另外，重配上蜜桃，呢個就有啲酸。
其實三個人真係食唔哂，最後就係要外賣拎走。
眼見對面檯嘅鵝片飯都唔錯，睇嚟要再嚟食啦。
張貼
