影片
更多
2013-03-25
578 瀏覽
舊年Openrice主辦左個「香港美食之最大賞」之「全城至Like名氣美食」選舉，小弟非常幸運地獲得香港旅遊發展局送出o既HK$1,000餐飲禮券；得奬組別為「江南百花雞」，禮券適用於帝苑酒店內之帝苑軒。既然因「江南百花雞」而得奬，肥肥家族當然係要試食得奬菜式「Gangnam Style百花雞」啦！一心要同家人分享，為怕禮券有其他限制，所以小肥早一日訂位同訂百花雞時先問清楚詳情，好感激哥哥仔當晚咁耐心對答。之前去過帝苑酒店樓上由森口勇師傅主持o既稻菊日本餐廳，所以地點唔難搵，坐地鐡尖沙咀站出沿住條行人隧道一直出就得，不過因地庫有兩間中菜廳，如果唔搭電梯就好容易入左去對面o既東來順。望落去帝苑軒地方唔係好大，散枱大概十張左右，其他眼見唔到o既地方原來都用作為宴會廳及私家房，唔怪得知禮券上面註明要預先訂位。當日XO仔原本約左人收工喺油麻地見，可惜比人放飛機，心情差到皮膚敏感勁發，不過幸好帝苑軒o既服務生態度專業，唔會因為我地用餐飲禮券黎食飯而冷待我地，繼而再加以刺激我，小弟終於慢慢冷靜番。訂位時就訂左七點半，點知被人爽約，六點半就到左，好彩餐廳都有位比我坐，等我自己慢慢研究餐牌。結果，除左
之前去過帝苑酒店樓上由森口勇師傅主持o既稻菊日本餐廳，所以地點唔難搵，坐地鐡尖沙咀站出沿住條行人隧道一直出就得，不過因地庫有兩間中菜廳，如果唔搭電梯就好容易入左去對面o既東來順。望落去帝苑軒地方唔係好大，散枱大概十張左右，其他眼見唔到o既地方原來都用作為宴會廳及私家房，唔怪得知禮券上面註明要預先訂位。
當日XO仔原本約左人收工喺油麻地見，可惜比人放飛機，心情差到皮膚敏感勁發，不過幸好帝苑軒o既服務生態度專業，唔會因為我地用餐飲禮券黎食飯而冷待我地，繼而再加以刺激我，小弟終於慢慢冷靜番。訂位時就訂左七點半，點知被人爽約，六點半就到左，好彩餐廳都有位比我坐，等我自己慢慢研究餐牌。結果，除左百花雞，我地揀選左幾款廚師推介小菜黎品嚐：
竹笙上素冬茸羹（$55）：哥哥同媽媽冇湯不歡，所以每人叫左碗黎飲。當日冬茸賣哂，不過佢地話個羮個味道都唔錯。
2012香港美食之最大賞老菜新吃組銀奬菜式之松茸三弄百花雞（$268/半隻）：雖則係得奬菜式，但係餐牌上並無此道菜，好興幸自己咁醒早一日打定電話黎訂餸。從餸名可以估得到百花雞中會有松茸，而且有三種口味，即蒸，炸，及炒。帝苑軒o既何師傅不失傳統百花雞之起骨製法，勁啱怕骨o既肥肥家族，其「Gangnam Style」加用左超香o既松茸，令整體味道變得清中帶甜，真係好夾。三款中以蒸版百花雞最清淡，但松茸味道最濃，因為有成片喺面層。用紫菜捲製而成o既炸版百花雞炸得好夠乾身，個皮好脆，加上百花雞餡爽口彈牙，正！最後，「松茸炒百花雞」係最啱大肥爸爸口味o既一款，因其味道香濃，雞肉嫩中帶爽，冇得彈！講真，淨係起骨都已經夠多功夫，師傅仲要潮搞三吃，小肥覺得$268半隻絕對係超值，大家有機會黎帝苑軒一定要試！
太耐冇出街食飯，所以最近冇乜寫食評，就連個相機都因為少用左以發生故障，返到屋企先發覺影唔到當晚個主角，只係影倒幅廣告牌同奬狀，真係認真失禮。
清炒菜遠（$98）：愛菜之人中肥哥哥話好食，怕食菜o既大肥爸爸都食左五六條，咁即係應該都OK！
斧山牛肋骨煲（$168）：用煲上夠哂熱，味道帶甜，牛根好腍，牛肋骨唔需要好大工程，啲肉就好容易咁甩出黎，食得我地好滿意！
紅燒獅子頭煲（$118）：獅子頭肉質軟腍，茨汁唔會太杰，味道又唔會過濃，唯一係煲內o既紹菜可以再腍啲。
鵝肝薑蔥生蠔煲（$328）：喺餐牌度睇到個餸名，覺得個組合幾新穎，所以叫左份黎試。煲內最少有半打生蠔，份量絕不吝嗇；生蠔亦尚算大隻，入口亦覺香口，配上鵝肝黎食更增添野味，幾得意！
能夠同爸爸，媽媽，哥哥分享餐飲禮券，品嚐到一頓酒店級o既高質晚餐，潮吃「Gangnam Style」百花雞，通過飯局繼而增長肥肥家族之間o既感情，小肥要喺度再三多謝Openrice，香港旅遊發展局同帝苑軒！張貼
