陳漢記 (已結業)

星期五晚經朋友介紹去試下煲仔飯，就同朋友一齊去。唔洗等位，七點三坐低，仲睇緊叫咩好嘅時候已經有個姨姨叫我地落單(兩分鐘内)，好彩我地目標清晰，想食煲仔飯就叫左一個咸魚肉餅飯同排骨臘腸飯。等左十至十五分鐘左右，咸魚肉餅到左，咁我就開始食。我個朋友好肚餓，我就提議食住等。食到一半，覺得真係好耐，就問左一個侍應，佢單都冇check就話'正常架，要三四個字'，我朋友話'過左啦喎' ，之後佢就走左。以為佢催左單，就繼續等。等我個飯食完，見仲未有，覺得唔對路，已經前後半個鐘，就問經理話差個排骨臘腸飯，佢叫我地等多陣。過多十五分鐘，有飯到，點知係咸魚肉餅！姐係經理自己聽錯，落錯單。佢叫我地食住先，但已經食左一個咸魚肉餅，唔通仲食咩。後尾，唔想再等，就決定唔要個煲仔飯，叫腸粉同碟菜等過多陣，經理過黎話個碟菜請我地食，咁都gur啲。但前後一句唔好意思都冇講過，雖然晚市多人易出錯，但態度值得有待改善。成餐飯食左成一個鐘，等超過40分鐘。食物味道正常啦。