芭堤雅泰國餐館

營業中

休息中

去完泰國旅行，對泰菜依然心掛掛，所以今晚決定食一餐泰菜。我同太太點咗明爐青檸蒸烏頭，泰式咖哩牛腩，泰式炒雜菜，一份薄餅。炒菜方面，菜好爽脆，亦好夠濃味，唔算好特別。青檸蒸烏頭配料好足，幾乎活埋咗條魚，唔錯，建議俾條魚熱一陣，等啲汁夠味啲先食，同埋淋啲上魚面，否則魚面比較淡，魚嘅口感都新鮮，冇泥味亦唔會霉。咖哩牛腩正呀，咖哩好濃椰汁香（我估係椰汁咋），好濃厚，牛腩有好多牛筋，煮得夠冧，我鍾意，配埋脆脆地嘅薄餅點汁食，一流，薄餅食完一份，再叫多咗一份。最後嘅芒果糯米飯都唔錯，芒果都算甜，一份有兩種米，黑同白糯米，兩種口感，加埋甜椰槳，作為飯後甜品絕對合格。