新南苑私房菜 (已結業)

難得今日兩公婆行經尖沙咀，唔使湊住兩隻化骨龍🤣一於去食餐好。朋友推介嚟呢間新南院私房菜，話最近食過好正的，我哋一於嚟試吓。一入到呢間舖頭，我老公覺得好驚喜，因為佢係超級英雄迷，裏面有好多超級英雄Figure，比食客欣賞，打卡一流，佢睇咗一輪先至坐返埋位。😁我哋嗌咗個晚市牛牛餐，招牌麻辣雞煲或者麻辣鴨血毛血旺二選其一可以任食，好抵！我哋揀咗麻辣鴨血毛血旺，裏面有鴨血、豬皮、水魷、牛柏葉、豆卜、大豆芽、椰菜花。鴨血很嫩滑，充滿鴨香，水魷同牛柏葉夠爽口，有口感，成道菜麻、辣、鮮、香俱全，正～我哋揀咗濃香沙嗲湯底，湯底送來嘅時候已經非常香濃，食落香而不辣，真不錯！之後到牛牛拼盤來😍有安格斯牛小排、手切牛頸脊、熊本一口牛、美國和牛、美國極上牛，淥一陣已經可以食，啲牛肉質鮮嫩，牛味重，有種入口就溶嘅感覺，必食推介！