影片
更多
2017-05-13
288 瀏覽
細細個就已經在新蒲崗呢頭蒲開，大個咗雖然少咗來，但係因為住在附近都時不時來呢頭搵食，平時經過見到個粥字都唔會想入去食，因為覺得食粥好熱又冇咩特別，有一日聽個附近住的朋友講起話食過呢間嘢用海鮮煲粥好正，好鮮，我又好喜歡食海鮮的，於是今晚等埋老公收工即刻去試試。原來呢隻叫做粥底海鮮火鍋，可以自選五款配料，佢個火鍋本身已經包左幾款海鮮，於是我就叫左響鈴、金姑、雞件、冬瓜片同肥牛。過咗一陣店員拎了一個幾層疊埋一起嘅啲碟子送上枱，每一層都放上唔同嘅海鮮，就咁睇落去已覺眼界大開！原來食海鮮粥底火鍋都可以好似食到high tea咁見到同時有咁多款海鮮放在眼前，令人心情大好，食慾大增！心諗，哎呀仲要放落去火鍋嗰度滾一陣先食得，我已經好肚餓了！但原來每款海鮮要煮幾耐的時間都有指引，而且有好多都係數分鐘就可以上嚟食，好有系統，好仔細好講究！我想像中係掉晒啲嘢落去烚好一段時間，對於我呢啲對煮食冇咩概念的人來講，係好好的Guideline，唔怕煮唔熟或者Overcook咗啲海鮮 對個蟹特念念不忘，放在湯之中，看住佢的殼轉到紅色，拿上來，雪白的蟹肉之中仲夾住啲膏，本來看個湯底清清地，仲怕烚完啲海鮮都會淡茂茂，而
細細個就已經在新蒲崗呢頭蒲開，大個咗雖然少咗來，但係因為住在附近都時不時來呢頭搵食，平時經過見到個粥字都唔會想入去食，因為覺得食粥好熱又冇咩特別，有一日聽個附近住的朋友講起話食過呢間嘢用海鮮煲粥好正，好鮮，我又好喜歡食海鮮的，於是今晚等埋老公收工即刻去試試。
原來呢隻叫做粥底海鮮火鍋，可以自選五款配料，佢個火鍋本身已經包左幾款海鮮，於是我就叫左響鈴、金姑、雞件、冬瓜片同肥牛。
過咗一陣店員拎了一個幾層疊埋一起嘅啲碟子送上枱，每一層都放上唔同嘅海鮮，就咁睇落去已覺眼界大開！原來食海鮮粥底火鍋都可以好似食到high tea咁見到同時有咁多款海鮮放在眼前，令人心情大好，食慾大增！心諗，哎呀仲要放落去火鍋嗰度滾一陣先食得，我已經好肚餓了！但原來每款海鮮要煮幾耐的時間都有指引，而且有好多都係數分鐘就可以上嚟食，好有系統，好仔細好講究！我想像中係掉晒啲嘢落去烚好一段時間，對於我呢啲對煮食冇咩概念的人來講，係好好的Guideline，唔怕煮唔熟或者Overcook咗啲海鮮
對個蟹特念念不忘，放在湯之中，看住佢的殼轉到紅色，拿上來，雪白的蟹肉之中仲夾住啲膏，本來看個湯底清清地，仲怕烚完啲海鮮都會淡茂茂，而我食了第一啖蟹肉之後我知道自己只係對了一半: 湯底真係清清地，但蟹肉絕對不是淡茂茂的! 反而蟹的鮮美在不用依賴其他調味料的輔助之下，徹底攻陷了我的味蕾，可想而知，呢隻蟹係幾咁新鮮先可以做到呢個效果。接着下來，邊食邊煮定下一款，好唔得閒。其餘有三兩款貝類，有蝦，有魚，仲有鮑魚，全部都勁新鮮!
鮮蝦幾大隻，啖啖肉，蝦肉又爽身。
海鮮本身食佢的鮮已經好正，不過我試下加啲芫茜同椒仔，刺激啲!
多寶魚都超正，魚肉好香滑，最正係佢個背脊有好一堆魚脂，好香溜，想不到食熟的魚都可以好味到好似食Sashimi咁! 
食完了火鍋配料，重頭戲要上演了，店員在那鍋吸收了所有海鮮精華的湯水放入粥膽、豬油渣、莞茜、菜脯、蔥花及蛋漿，滾了一陣。
得出來的成品因為早前南瓜或蛋黃呈金黃色，一入口，軟棉棉的質地已經打動了我，而粥的味道都好有層次，其鮮味係主角，加上粥又有菜脯的少少咸調一調味，蛋漿令其更可口更滑，蔥花莞茜都為呢個粥再活現一點清新，呢個粥真係冇得輸，令人好滿足的「滿粥」！
張貼
