越北牛肉粉

營業中

休息中

今日黎到柴灣食越南野，店面都好闊落，卡位都幾大，坐得都算舒服，服務員好熱情嘅招待，好快就坐底左。首先我地點左個香茅牛肉撈檬，一定要加佢秘製嘅醬汁，酸辣酸辣咁非常好味，令味道更加提升，牛肉都好滑，岩岩好熟口感係最好。另一個主食係香茅豬扒配米飯，白飯我都係要加佢桌上放個瓶酸辣秘製醬汁，真係好好味，我個人十分喜愛，香茅豬扒又炸到金黃好香脆可口，滿滿既滿足。甜品方面就叫左個芒果糯米飯，上面一層椰子醬汁配糯米飯，一浸淡淡嘅椰子香味，非常清新，芒果都好新鮮好甜，唔錯既選擇。飲品方面就選左熱老薑蜜，幾片既老薑，淡淡既清香，唔會好甜，非常下火健康。另一杯係水晶芒果沙冰，呢款我非常喜愛，好有芒果🥭味，粒粒細沙冰入口即溶，好好飲，非常滿足😌。