金滿象正宗泰國菜

營業中

休息中

💁🏻‍♀️想食地道泰國菜 邊個話一定要去九龍城？今次就帶大家嚟旺角 店員都係泰國人而且位位都好熱情 好有人情味😉（本人表我仲比人叫阿妹妹開心😂)❣️泰式串燒（半打）比較少有餐廳可以要晒豬牛雞 一次過食晒三款好開心串燒即叫即燒 帶金黃色微微嘅焦香每串肉份量多 而且好濕潤 有肉汁配埋店家秘製沙嗲醬食好滋味❣️泰式燒豬頸肉豬頸肉最怕就係燒到好乾 咬落好韌呢度一睇就見到有油光 塊塊肥美 好放心外層燒到好香口 厚切就更加有咬口 配甜酸醬食開胃唔膩餐廳好慷慨 一份份量超級多！❣️青咖喱牛腩唔知點解 去泰國菜我就一定點青咖喱鍾意果種椰香味嘅汁 撈飯一流 呢度仲做到濃稠適中牛腩炆到好腍 仲有我最愛嘅九層塔當然最緊要仲有茄子吸汁 同埋好多豆角 多啲蔬菜都健康啲❣️海鮮冬蔭公湯酸酸甜甜甜甜帶微辣 撈起見好多香料 唔怪得咁惹味飲落好鮮甜 魷魚食得出好新鮮 咬落唔韌仲有青口、鮮蝦等海鮮 當然仲有秀珍菇索湯食啦❣️椰子油炒通菜呢度係有營食肆 唔怪得有椰子油炒菜而且仲可以揀油少油少鹹 好貼心通菜炒得好有鑊氣 真係食到椰子油嘅味道 原來咁夾❣️泰式甜品椰汁西米糕底下嗰層竟然係斑蘭西米 好有心思龍眼糕都係第一次食 充分食到龍眼嘅香