影片
更多
2017-06-18
363 瀏覽
今日請我的最愛食好野，諗左好耐究竟食咩好呢？我想食一d我地未食過的菜式，咁岩呢個時候我就諗起幾個月前我地講過想食正宗的炸魚薯條，所以最後就決定左食英國菜。由門口影入去的環境，今日我們18:15到，驚喜地竟然冇人，我們包場咁濟。由於冇人的關係，所以靜靜地，環境唔錯，直到18:45左右，開始人流慢慢多，不過直至我走為止，都只係坐左半個場，是日人流唔多。餐牌：2人餐餐牌，$298再加一，不過我們預早卜左位同埋show左張openrice優惠券，所以九折，即係當免加一啦！所以建議大家黎食預早卜位同埋問下有冇優惠啦！首先上的係炸鮮蘑菇沙律，味道：7/10蘑菇球炸到脆脆，一口咬入去好有菇味，香濃菇汁滲晒出黎，皮炸得剛剛好，唔好太厚，第一次食脆炸的蘑菇，感覺特別。之後上餐湯，金黃色係粟米湯，8/10，本身我飲的唔係呢個，我同男朋友交換左，粟米湯搞到一粒粒碎晒，每飲一淡都有d粟米粒渣，好正，好香濃的粟米湯。另外一個湯我忘記左係咩😅😅我淨係記得有d胡椒味，不過都ok，我男朋友鐘意，我就都係鐘意粟米湯。開心滋味分享小食籃，8/10我最鐘意係炸蝦同炸魚手指，肉質好爽口，唔乾，另外魷魚都好食，好好口感，送酒一
由門口影入去的環境，今日我們18:15到，驚喜地竟然冇人，我們包場咁濟。由於冇人的關係，所以靜靜地，環境唔錯，直到18:45左右，開始人流慢慢多，不過直至我走為止，都只係坐左半個場，是日人流唔多。
餐牌：2人餐餐牌，$298再加一，不過我們預早卜左位同埋show左張openrice優惠券，所以九折，即係當免加一啦！所以建議大家黎食預早卜位同埋問下有冇優惠啦！
首先上的係炸鮮蘑菇沙律，味道：7/10
蘑菇球炸到脆脆，一口咬入去好有菇味，香濃菇汁滲晒出黎，皮炸得剛剛好，唔好太厚，第一次食脆炸的蘑菇，感覺特別。
之後上餐湯，金黃色係粟米湯，8/10，本身我飲的唔係呢個，我同男朋友交換左，粟米湯搞到一粒粒碎晒，每飲一淡都有d粟米粒渣，好正，好香濃的粟米湯。另外一個湯我忘記左係咩😅😅我淨係記得有d胡椒味，不過都ok，我男朋友鐘意，我就都係鐘意粟米湯。
開心滋味分享小食籃，8/10
我最鐘意係炸蝦同炸魚手指，肉質好爽口，唔乾，另外魷魚都好食，好好口感，送酒一流，可惜係太細粒，炸蟹肉球就一般般啦！冇咩蟹肉的感覺，似食緊舊炸薯咁！不太吃到蟹肉的感覺！
講咁耐終於到主菜，炸魚（紐鱸魚）薯條，8/10
薯條係粗身薯條，好耐冇食到粗身薯條，好食，睇上去好似好少薯條咁，但由於成個餐實在太豐富，所以薯條分量其實適中，太多反而會食剩同埋好肥膩。
至於魚魚方便，我冇加錢食其他魚類，我同男朋友都鐘意，魚肉唔係因為炸完而乾身，亦唔會炸到魚肉變質，一咬開依然食到一片片新鮮魚肉，配合埋脆皮同埋粒粗鹽，好好食，成個質感係超正，而唔係一般餐廳普通炸魚柳的感覺！
橄欖油炒香蒜片意粉，7/10
呢個意粉好鹹好鹹好鹹，我一般般，不過意粉炒得相當入味，分量亦好多，同埋非常多香蒜，我個人認為太多，食晒面頭見到的面，個底係有一堆香蒜氈底，多到太誇張。
最後係飲品，um...係咪錯覺呢？！點解熱飲細杯過凍飲咁多
整體來說，我們都幾滿意食物質素，最重要係我的最愛都食得好開心咁我就心滿意足啦！
張貼
