上海小籠皇

營業中

休息中

店舖很有老香港感覺，地方不大，但尚算舒適，呢度地點便利，菜式可以散叫或可以叫套餐，小炒鑊氣足，最後，我哋叫左個二人餐。雞絲粉皮跟餐嘅小食，都有一人份量，超級足料，粉皮厚薄軟硬適中，仲有好多好多花生醬，非常之夠味，涼菜之選。小籠包跟餐有2隻，即點即蒸，熱辣辣，外皮雖稱不上相當透薄但仍不至過厚，肉餡保留適量湯汁，比上不足比下有餘。松子魚（原條）+$68係我去食中菜最鍾意叫嘅菜式之一，松子魚夠大條，賣相又靚，魚身蘇脆，一啲骨都冇，食落唔會覺得沾咗好多粉，酸酸甜甜魚肉都保持鮮嫩唔會炸到乾曬！甜酸汁的配搭剛好中和炸物的油膩，只能說是一絕。酸辣湯整得唔錯，傳統正路野，但我覺得酸辣湯味道就酸咗少少，不過就好開胃。黃金湯時蔬（津白）香濃的奶油全被津白吸收，每一口都非常多汁入味。最後甜品桂花糕（2件）晶瑩通透，甜度剛好，最啱作為餐後甜品。整體餐廳環境，地方唔算闊落，唔好期望係咩高級餐廳，價錢算平, 食物一般尚可，但服務態度一般，零服務可言，如果可以改善下就更加好，今餐當食個快飯便算。