旺記冰室 (九龍中心大廈)

營業中

休息中

同我哋傳統式嘅滑蛋蝦仁飯唔同， 佢就好似而家新式嘅冰室咁， 參考咗日本嘅蛋包飯做法， 賣相方面更加整齊同美觀。 啲蝦人都好大粒， 雖然得嗰六隻唔係好夠我食😂😂除咗蝦同蛋之外， 佢亦都撈少少類似甜豉油咁嘅醬汁， 我個人嚟講就唔係太喜歡嗰個醬汁嘅配搭， 因為啲蝦同啲蛋好甜美， 但配咗啲豉油好似有少少苦苦地嘅感覺， 好似突然間響欣賞蝦同蛋甜美嘅享受之間抽離咗出嚟， 有少少嘅苦澀味。 不過呢啲都好個人， 我有啲朋友就話加咗豉油好正， 所以都冇話呢啲好定唔好。價錢就普普通通啦， 都50蚊一碟囉， 不過如果你肚餓都夠飽嘅。