陳漢記 (已結業)

是日去左大埔度買丸，之前睇村屋嗰陣聽d 經紀講話陳漢記唔錯，決定行左去一試。因為已經 17:30, 又唔係下午茶又唔係dinner，所以唔使等位…諗住坐低食個豬潤腸就走，點知越食就越好味，同行既母親就話不如叫個淨腸粉，(因為見到對面枱)…再坐多陣先見人地食個蝦米腸，不過算啦…都真係幾滑，不過建議大家走油，因為真係好多油！等到18:00 左右，就叫左個煲仔飯，田雞油鴨脾煲仔飯，一個字，「得」！不過就貴左d…前後坐左個幾鐘，只因樣樣野食都係分開叫。但最唔想提同講既就係佢個炸兩原因係油條係係出面叫番黎，又唔係好新鮮咁…下次我一定唔會再叫！