正潮樓 (富通大廈)

營業中

休息中

今日帶咗朋友嚟呢間潮州菜館食晚飯，呢間之前自己都有食過一次味道唔錯。餐牌價錢同之前差唔多冇乜大變動。朋友鍾意食豬手，所以叫咗呢個梅子豬手比佢嘆吓，味道甜甜酸酸，不過就一啲都唔肥膩，骨膠原相當豐富。雞頸肉炒得夠鑊氣，肉質比豬頸肉更富嚼勁，加上用咗川椒炒，食落帶有少少麻香同微辣送飯一流。芋頭粒炸完之後再配上肥肉粒炒，未食都聞到好香，飯炒得夠乾身之餘份量亦多，每人都食到幾碗，飽肚感十足。最後食埋呢碗出面好少機會食到嘅福果甜芋泥，雖然個名同賣相睇落好似好甜，但其實只係微甜，老人家都可以食到。