亞萊泰 (淘大商場3期) (已結業)

記得上次去《亞萊泰》食過飯，食物好arm我口味而且性價比高，今次再去支持下先！首先叫左《泰式生蝦》。質素不錯，肉質彈牙，好食。《炭燒豬頸肉》豬頸肉燒得好香，肉質爽口，而且份量頗多，啖啖肉，適合食肉獸的朋友仔。《菠蘿炒飯》材料豐富，賣相好，有蝦，海鮮，腰果，豬肉鬆，仲有大量我最喜歡的菠蘿。味道十分豐富，口感不錯👍。《泰式拼盤》十分豐富，我最喜歡的是泰式蝦餅，炸得十分香口，蝦肉十分彈牙，好正！飲品是買二送一，我們叫了《青檸梳打》和《龍眼冰》。味道清甜，解喝之選。呢度地點方便，價錢適中，食物美味，我會keep住幫襯！