十二味新派川菜

營業中

休息中

今日同朋友點咗個經典香辣鍋，揀咗小辣，鍋底香濃得嚟唔會太嗆喉。田雞同鮮魷都好新鮮，田雞炸完黎，好香口但都保留到肉質嫩滑；鮮魷就都彈牙；美國肥牛就正常，肥瘦適中，份量好足；土豆（必點）同娃娃菜吸晒啲湯汁，好入味。成個鍋嘅份量都幾足，兩個人食都夠晒飽。另外，我哋仲試咗泡椒黄喉脆螺片，黄喉爽脆，螺片鮮甜，泡椒嘅酸辣味好開胃，食落好過癮。黑豆花鮮椒魚一人套餐都幾抵食，魚肉鮮嫩，黑豆花滑溜溜，酸辣木耳同米飯都係絕配，最後仲有碗冰粉解辣，真係好滿足。飲品方面，白桃烏龍奶茶同檸檬蘇打都幾清新，尤其係奶茶，茶味香濃，白桃嘅甜味恰到好處，飲落好舒服。而環境方面，餐廳乾淨企理，座位寬敞，坐得舒服，唔會覺得逼夾。服務員態度友善，上菜速度勁快。