食得招積

營業中

休息中

從來都好少去到新蒲崗，不過一直都知道呢度好多好嘢食，今日咁啱去新蒲崗見客，咁就一於嚟試吓啦。問咗新蒲崗嘅朋友，佢哋好多人都介紹唔同嘅，但係呢間餐廳就好多人都同時間介紹，咁就梗係嚟試吓啦。首先我就叫咗個雲吞麵，估唔到佢雲吞真係好大粒，而且係自己親手包嘅，一粒薄皮嘅雲吞入面有好多蝦，真係好抵食。而且佢嘅價錢只係30幾蚊至40幾蚊，真係好推薦大家嚟試吓。另外我哋仲叫咗個牛雜麵，佢嘅牛雜份量都好多，而且食落好新鮮，我自己認為最抵讚嘅就係呢個牛腸，因為食落新鮮同埋口感好好，而且牛尾都好足夠。呢間餐廳又平又抵食，而且好有街坊溫馨嘅風味，好慶幸自己又入嚟試，希望大家有機會都嚟試吓啦。