Coti (鴻圖道)

營業中

休息中

餐廳係觀塘一個工廈地下，地方唔算太大大概有五六張枱左右，不過環境都幾溫馨。Lunch menu 有唔少選擇呢，有日式嘅飯，到西式嘅意粉或者全日早餐都有。忌廉汁煙三文魚意粉意粉口感啱啱好，唔會太硬或者太軟，忌廉配上三文魚好夾，食落好creamy，佢亦將煙三文魚整咗玫瑰花咁，大家都幾靚。烤焗慢煮豬肋排配沙律豬肋排都幾大份，如果女仔食想冇咁Heavy嘅可以配沙律，男仔想飽肚啲都可以配返，豬肋排本身有調味故喎，食落好入味同埋肉質都好軟腍。而個沙律都幾新鮮。有氣檸檬咖啡呢個飲品都幾特別，佢分開咗遊戲檸檬水同埋咖啡，可以比大家按照自己鍾意嘅份量加入去，加咗有汽水同檸檬嘅咖啡，飲落去又幾清新。涷棉花糖朱古力棉花糖朱古力，佢嘅朱古力好濃郁，飲品上邊嘅棉花糖仲有燒過。朱古力佢仲刻意做到有漸變嘅效果，影相效果都幾靚。