小雨天 (葵涌廣場)

營業中

休息中

去葵芳掃小食雖然好正，但食多幾間價錢都大，所以食返超飽肚又抵食既湯飯，招牌豬軟骨湯飯好受歡迎，另外被蠔仔肉碎湯飯吸引，最後真係堅飽，頂到上心口。【豬軟骨湯飯】豬軟骨煮至肉質鬆化，軟骨都易咬，仲可以補補膠原，而且豬味濃，亦不會食到油膩，個豬骨湯同樣重味，湯飯真係好好食。整個份量都超多，一大碗飯，仲有5-6件豬軟骨，係好岩大眾口味又抵食既美食。【蠔仔肉碎湯飯】蠔仔肉碎泡飯，蠔仔都算多，而且脹卜卜都乾淨鮮味。個湯仲好有蠔味，連埋肉碎口感豐富左，也是滿滿一大碗，女仔真係食唔哂，建議Share最好。【韮菜水餃】8隻餃子好皮薄餡多，滿到脹哂既餃子，皮滑厚薄剛好, 菜同肉比例都不錯，食完唔膩，個韭菜仲好香，配醋汁食好味。