影片
更多
2020-12-03
11 瀏覽
連續兩日打邊爐，昨天同人慶祝生日，今晚就應好友邀約，嚟旺角試下呢間新開嘅火鍋店「尚膳養顏滋補鍋」。餐廳位於旺角彌敦道 607 號新興大廈 1 樓，舖面呈長方形，環境相當優雅，裝潢和設計上用了不少木質建材，配上牆身上嘅梅蘭菊竹掛畫和闊落的廳房，給人一種古色古香的感覺。友人係邊爐精，今次點湯底同配料嘅任務，就一於交由好友發板，而我就負責外出「混醬」和拿取餐前小食。茶芥及醬料以人頭計，每位 $20。點咗個滋潤魚雲靜心鍋 ($188)，鍋底材料很豐富，用上川芎、白芷、天麻、當歸、圓肉等藥材，再加入竹絲雞及魚頭等熬煮而成。待湯鍋滾後，先呷一口湯底，藥材味不太重，飲落幾甘甜，滋潤順喉。再撈起湯料，魚頭煎得很香口，連著的魚肉滑溜鮮甜，而竹絲雞亦皮滑肉嫩，帶濃郁雞鮮味。配料方面，先試下呢盤已起骨的沙巴龍躉片 ($168)，魚肉結實新鮮，入口滲透著魚香，加上每片都切得厚薄適中，咬下啖啖肉，連埋爽韌嘅魚皮一齊食，口感甚佳。接著吃四色手工丸拼盤 ($88)，拼盤上有四款唔同口味嘅丸子，當中包括有黑松露蝦丸、黃金墨魚丸、芝心牛肉丸、梅菜豬肉丸各 2 粒。牛肉丸爽滑彈牙，配以香濃嘅流心芝士，味道絕配。梅菜豬肉丸
連續兩日打邊爐，昨天同人慶祝生日，今晚就應好友邀約，嚟旺角試下呢間新開嘅火鍋店「尚膳養顏滋補鍋」。
餐廳位於旺角彌敦道 607 號新興大廈 1 樓，舖面呈長方形，環境相當優雅，裝潢和設計上用了不少木質建材，配上牆身上嘅梅蘭菊竹掛畫和闊落的廳房，給人一種古色古香的感覺。
友人係邊爐精，今次點湯底同配料嘅任務，就一於交由好友發板，而我就負責外出「混醬」和拿取餐前小食。茶芥及醬料以人頭計，每位 $20。
點咗個滋潤魚雲靜心鍋 ($188)，鍋底材料很豐富，用上川芎、白芷、天麻、當歸、圓肉等藥材，再加入竹絲雞及魚頭等熬煮而成。待湯鍋滾後，先呷一口湯底，藥材味不太重，飲落幾甘甜，滋潤順喉。再撈起湯料，魚頭煎得很香口，連著的魚肉滑溜鮮甜，而竹絲雞亦皮滑肉嫩，帶濃郁雞鮮味。
配料方面，先試下呢盤已起骨的沙巴龍躉片 ($168)，魚肉結實新鮮，入口滲透著魚香，加上每片都切得厚薄適中，咬下啖啖肉，連埋爽韌嘅魚皮一齊食，口感甚佳。
接著吃四色手工丸拼盤 ($88)，拼盤上有四款唔同口味嘅丸子，當中包括有黑松露蝦丸、黃金墨魚丸、芝心牛肉丸、梅菜豬肉丸各 2 粒。牛肉丸爽滑彈牙，配以香濃嘅流心芝士，味道絕配。梅菜豬肉丸味道亦唔錯，清香爽口，梅菜同豬肉嘅比例啱啱好。
嫩滑鴨血 ($58)，鴨血新鮮飽滿，而且切得大件有厚度，用湯底浸熟後，口感非常腍滑，正。
台式蛋餃 ($42/半份)，蛋餃外形脹卜卜，入面包住豬肉餡，食落既有肉香又不失蛋香。
打邊爐又點可以無菜，點咗個雜菜籃 ($68)，盤內有娃娃菜、生菜、鮮菇、金菇、秀珍菇、秋葵及粟米等，超豐富，樣樣食啲，健康又有營養。
壓尾再食埋個寬粉條 ($48)，夠曬飽肚，粉條甚富彈性，唔易斷開，加上吸盡湯底嘅精華，真係別有一番風味，令人吃不停口！
本來打算點飲品，不過店員話而家只要喺餐廳嘅 社交平台 打咭簽到/讚好，均可獲贈：杞子圓肉菊花露 或 寧神洛神花茶一杯，當然唔可以錯過喇。菊花露清熱明目，入口綻放花香；而洛神花茶亦清甜酸香，打完邊爐飲番杯，解膩一流！
張貼
