影片
更多
2023-01-14
77 瀏覽
依間火鍋真係幾正，環境又坐得幾舒服醬料區嘅選擇都好多好多，而且仲有小食同埋生果！湯底仲可以揀鴛鴦鍋或者四季鍋，試多啲都得！最後揀咗膠原蛋白養顏美容鍋($128)同滋補養生香辣鍋($88)，一嚟到已經好香，個美容鍋好清甜，打邊爐之前都忍唔住飲咗碗，入面仲要有豆腐好滑好好食！個香辣鍋唔算好辣，係似台式麻辣鍋果種味。打邊爐都一定要食肉，肉類方面叫咗美國安格斯牛小排($139)、豬頸肉（ $34 )同去骨雞肉片($44 ）牛同豬啲紋理都好靚，三款肉嘅肉質都夠嫩滑，吸哂湯底好入味。呢度嘅手工丸同滑類都好吸引，叫咗個芝士墨魚丸($49)同蟹子蝦滑（ $98)，入口真係幾滑同彈牙，仲要個芝士墨魚丸係少少流心，正！今晚撞正lady’s night ，餐廳送咗杯moon lady同蔬菜拼盤！杯野賣相好靚，味道似fruit punch個蔬菜拼盤都好豐富，菜都有兩款，仲有紅蘿蔔、冬瓜、冬菇、蓮藕、萵筍同粟米。吸埋湯底嘅鮮味特別甜。最後仲送埋沙冰，酸酸甜甜咁解下油膩！除咗湯底其實食物嘅選擇都有好多，仲有啲海鮮、小食嗰啲今次都冇叫到，依間絕對會再黎！
醬料區嘅選擇都好多好多，而且仲有小食同埋生果！
湯底仲可以揀鴛鴦鍋或者四季鍋，試多啲都得！最後揀咗膠原蛋白養顏美容鍋($128)同滋補養生香辣鍋($88)，一嚟到已經好香，個美容鍋好清甜，打邊爐之前都忍唔住飲咗碗，入面仲要有豆腐好滑好好食！個香辣鍋唔算好辣，係似台式麻辣鍋果種味。
打邊爐都一定要食肉，肉類方面叫咗美國安格斯牛小排($139)、豬頸肉（ $34 )同去骨雞肉片($44 ）牛同豬啲紋理都好靚，三款肉嘅肉質都夠嫩滑，吸哂湯底好入味。
呢度嘅手工丸同滑類都好吸引，叫咗個芝士墨魚丸($49)同蟹子蝦滑（ $98)，入口真係幾滑同彈牙，仲要個芝士墨魚丸係少少流心，正！
今晚撞正lady’s night ，餐廳送咗杯moon lady同蔬菜拼盤！
杯野賣相好靚，味道似fruit punch
個蔬菜拼盤都好豐富，菜都有兩款，仲有紅蘿蔔、冬瓜、冬菇、蓮藕、萵筍同粟米。吸埋湯底嘅鮮味特別甜。
最後仲送埋沙冰，酸酸甜甜咁解下油膩！除咗湯底其實食物嘅選擇都有好多，仲有啲海鮮、小食嗰啲今次都冇叫到，依間絕對會再黎！
張貼
