元洲牛肉麵 (青華閣) (已結業)

呢間小店位置雖然唔係響大街度,但係都好多人識搵黎食,朋友帶我黎左呢間小店度話呢度既食物好正,呢間小店出名既係牛肉麵同個餐廳名一樣,而且黎到既時候都已經出面坐左好多人等位同等外賣,餐廳雖然得幾張台唔算好大間,但係都好多人特登黎食,主打牛肉麵所以我地叫左兩碗三寶牛肉麵,麵仲可以選擇寬條或者幼條麵,今次叫左幼麵都好彈牙同入味,牛肉勁厚切同勁軟淋,個湯底好濃味,牛筋都好大條,飲品推介冰桃茶好香桃味,唔會太甜,小店食品制作需時可能要等一等,全部即叫即整既。