馬祖台灣養生湯麵館 (留仙街) (已結業)

是日夜晚就去咗天后附近食晚餐，見到呢間養生湯麵就吸引咗我入去。叫咗個蟲草養生農場雞湯米線。碗嘢份量都幾多，大碗 多湯 多麵。雞就有4件 1件雞髀🍗 1件雞翼尖 2件中間肉位雞份量都適中。配料有 好多紅棗 杞子 木耳同蟲草。碗米線啲麵雖然多，但好淋，一夾就斷，無口感可言。個湯底幾足料（有好多紅棗btw 紅棗係去哂核,有雞湯味，又飲到紅棗甜甜嘅味），但食完之後好口乾🥵。整體而言，呢間嘢對我嚟講無咩驚喜，亦唔會特登嚟食。