包裝得好好，好實淨同埋分咗湯
仲好細心，寫咗碗湯係配邊一碗麵，
因為我叫兩碗嘅辣唔同
第一次試下佢嘅雲貴米線
以前通常都係叫小鍋米線加餸，而家一個餸要$54貴左少少，所以叫左呢個雲桂米線$77
雲桂 Wan Kwai Signature Noodle Soup
腩肉、雞絲、魚肉春卷、鮮竹龍蝦卷、雲耳、腐竹、冬菇、芽菜、酸菜、韮芫茜
抵食👍👍好多配料同肉碎，不過魚肉春卷、鮮竹龍蝦卷就一般，較硬
小鍋米線+豬軟骨$54
雖然加咗價，但係豬軟骨一定係必叫，不過今次我唔好彩啦，得兩舊好細嘅豬肉，仲要係冇骨
只係好似瘦肉咁，骨已經溶哂
米線外賣送餐其實都好食嘅，都夠熱，不過做屯門分店好似一般
