茶先生

營業中

休息中

黎到銅鑼灣地鐵站E出口，巧遇呢間茶先生！見到門口有好多人喺度排隊買嘢，就知應該唔錯啦！見到佢嘅飲品Menu都同喜茶有幾分相似，有普通茶飲啦，芝士茶啦，波波茶啦，仲有芝士加水果，同埋水果茶添！我就買咗杯芝士加四季春茶啦，盛惠$32港幣，真係唔平，等左超過半個鐘先起到貨，我攞咗返屋企飲。佢層芝士奶蓋真係整得幾好，我由銅鑼灣搭地鐵返將軍奧，兩層都冇合二為一，返到屋企，層芝士仲係度！四季春茶茶味香濃，係幾好飲，不過試唔出有咩非飲不可，而層芝士嘅味道，我覺得鹹咗少少。 不過，當我想念喜茶嘅時候，黎銅鑼灣飲杯茶先生都係唔錯嘅選擇。