樂園魚蛋 (亞皆老街)

營業中

休息中

第一次食，見到門口咁搶眼，裡面望落又乾乾淨淨，所以就沖左入去坐低🤣地方幾寬鬆下，檯同檯之間唔會太逼，而且座位啲櫈都幾舒服。餐廳嘢食都幾多元化下，有粉麵，可以加配小食/飲品。亦有提供飯，包括港式咖喱飯小食方面，唔想食澱粉質嘅朋友可以選擇淨食。我哋2個人就每人叫咗碗河粉。鳳城水餃扎肉河（朋友話）：水餃好大隻，隻隻都好足餡料，皮夠薄。扎肉就無咩特別我自己叫咗魚蛋墨丸河。2款丸都係店鋪推薦嘅。魚蛋食落好彈牙，墨丸除咗彈牙，仲好爽口。我另外加錢叫左碗紫菜湯。紫菜無沙，幾清甜。每人一杯熱檸蜜，有啲偏甜，但可以加少少水中和返，當多左3分1杯野飲🤣最後，加左個炸墨魚餅。呢個真係好有驚喜。好脆口，個醬酸酸甜甜，好開胃。