影片
更多
2021-03-16
3332 瀏覽
突然醒起， 好耐冇食過呢種港式韓燒，細個嘅時候成日去漢陽苑 ， 價錢平又有得任食。 人越大好似越少去呢間餐廳， 襯今日醒起，一於黎懷舊一下。 餐廳喺莊士倫敦廣場 ，成個大廈都係餐廳，總有一間啱你心水😂。 黎到已經八點半， 仲有個半鐘頭餐廳就閂門，收費203一個人加一 ， 九點半last order。 好啦！開吃！燒烤方面， 魚肉海鮮有幾十款， 全部都有唔同醃料， 仲一大盤三文魚刺身， 唔嚟都唔醒起以前食呢啲三文魚幾開心， 任食唔嬲！ 姐姐仲好細心提醒我哋唔好將啲肉汁滴到三文魚。😂另外餐廳有好多調味料蒜片同埋生菜，可以好似食韓式烤肉咁，包住食。 淨係湯都有四款， 韓式辣海鮮湯，人參雞湯，碗仔翅 ，同埋老火湯。 另外仲有好多泡菜同埋甜品。 老實講， 我覺得呢個價錢咁多嘢食，分分鐘出色過而家好多酒店嘅lunch buffet。 收幾百蚊然後擺十幾種菜出嚟就一大張枱， 應該唔夠呢到抵食😂
餐廳喺莊士倫敦廣場 ，成個大廈都係餐廳，總有一間啱你心水😂。 黎到已經八點半， 仲有個半鐘頭餐廳就閂門，收費203一個人加一 ， 九點半last order。 好啦！開吃！
燒烤方面， 魚肉海鮮有幾十款， 全部都有唔同醃料， 仲一大盤三文魚刺身， 唔嚟都唔醒起以前食呢啲三文魚幾開心， 任食唔嬲！ 姐姐仲好細心提醒我哋唔好將啲肉汁滴到三文魚。😂
另外餐廳有好多調味料蒜片同埋生菜，可以好似食韓式烤肉咁，包住食。 淨係湯都有四款， 韓式辣海鮮湯，人參雞湯，碗仔翅 ，同埋老火湯。 另外仲有好多泡菜同埋甜品。
老實講， 我覺得呢個價錢咁多嘢食，分分鐘出色過而家好多酒店嘅lunch buffet。 收幾百蚊然後擺十幾種菜出嚟就一大張枱， 應該唔夠呢到抵食😂
張貼
