入座/等位：
星期日11：30am黎，都算早，所以唔洗等位。入面都好多位。
落單/上菜：
QR code落單，上菜都正常速度。
食物：
酸辣豬頸肉+腐皮蝦卷 $50。
豬頸肉係最多人推薦嘅食物，食落唔會太肥，而係有煎香同少少燶邊嘅味道。 咁啱都係我最鍾意食豬頸肉嘅口味。
少少燶邊少少肥，食落唔會太負擔，但又過癮。
2
加埋酸辣湯底就好開胃。 我叫左小酸辣，佢湯底係少少帶甜，但又唔係好攻擊性嘅酸辣。 有少少令我想起一個「故人」，曾幾何時當譚仔同三哥未被收購，未公式化煮食程序同材料前，都有同樣嘅靈魂味道。
總結：佢未必係最好食嘅米線，但一定係令我想再主動去食嘅店。 而唔係諗唔食咩，就去食已經無分别嘅兩間連鎖米線店。
