和平餐室 (深水埗海達)

營業中

休息中

青衣出返市區，途經南昌站約個朋友來個下午茶，海達邨平台《和平餐室》， 南昌站行一陣就到。金磚西多配沙律薯角蛋撻~西多係即叫即炸，肚餓都要畀啲耐性，蛋撻下午茶就真係要快啦，買曬就要等聽日；仲有薯角同沙律，呢個下午茶好豐富，奶茶質素唔錯，唔加糖正常加奶，又香又滑，正！加$8可以多個粉麵，大食嘅朋友可以試下，抵食；辣醬肉碎米粉~麻辣味道啱啱好，比一般連鎖快餐店份量多。豬扒包配薯角~新鮮熱辣辣即叫即煎，包底都唔錯。另外叫多個豉椒排骨炒脆麵~分量都唔細，排骨好夠淋，麵炒得香口。香港地道茶餐廳最緊要試下個熱奶茶，呢個唔落糖，夠奶夠香夠滑。蛋白杏仁茶又香又滑。