茶咖里

營業中

休息中

西營盤呢區不嬲都好多小店，而且好多都好有特色，全部都勁想去！網上見到呢間「cafe冰室」，覺得港西合壁的感覺特別，於是復活節當日就同朋友黎幫襯下。呢間係一間以懷舊冰室做主題的餐廳，裝潢都刻意做左冰室的設計。由於係假期，店面都比較多客人，所以無特別影佢裝修 早餐餐牌有分兩種，西式早餐同埋港式早餐，選擇都幾多元代，可以配港式飲料或者意式咖啡。落單方面都幾搞笑，原來係自助落單，無諗過甘細既店舖都有呢樣功能Latte今次冇叫到skim milk，因為落單嗰度無得揀lol，奶打得一般般啦，但估唔到個咖啡味道都幾濃郁，偏nutty的味道。Smoked Salmon & Egg with Toast牛角包轉左做厚多士，多士烘過但無搽牛油，配炒蛋的關係，唔搽牛油都唔會冇味，炒蛋份量唔少，炒得滑之如味道都好夠，煙三文魚帶出左鹹味，以呢個價錢都真係唔錯！至於朋友食的黑松露煎蛋，我冇特別問佢味道，我相信都ok 唔差既 haha。