譚仔雲南米線 (長沙灣廣場)

營業中

休息中

譚仔相信係大眾嘅食堂，香港獨有嘅特色！今晚到訪，並唔係想食「麥演牛演」，反而叫左一碗魚蛋酸辣米線。魚蛋，並唔係油炸的，係白色的，好適合減肥中嘅我，共有五粒之多，份量剛好。米線一如過往，煮得軟硬度適中。但係略嫌韭菜較為少，而腐皮亦煮得較為硬，破壞了口感。平時好鍾意食十小辣，今晚改叫一碗酸辣湯底，幾好喎。因為個辣度同十小辣相若，不會令人落得頭皮發麻，但係多了一份酸味。味道立即充滿了層次。但係呢一間有漏單情況，等了差不多20分鐘米線才送上來，前後左右的人比我遲走進來，也開始進食了，故服務仍需改善