燒肉酒場 (已結業)

食正餐之前，先嚟視覺享受。鋪頭裝修好特別，係牆身有一幅牛嘅塗鴉，有別於一般餐廳淨係寫價目表嘅感覺。大大個頭盤係椰菜絲沙律，食落有種菜嘅清香味，鹽份控制得啱啱好，食落仲好醒胃，令人停唔住口。第一個燒肉係蝦夷蔥羊卷肉，肉店職員耐心地同我地講應該點燒，令卷肉無咁易散開，燒熟後蔥嘅鮮味出晒嚟，羊肉燒完後無任何騷味，蔥嘅味道帶走晒油膩感，令烤羊肉的味覺提升。第二個係蒙古羊架。羊架採用上乘嘅食材，長時間燒住都唔會好韌，肉質鮮嫩，一啖咬落去，高温鎖住嘅肉汁來回係舌尖流動，食落好有口感。羊肉燒完後都唔會痴住啲骨，好值得推薦俾鐘意食肉嘅朋友。第三個係西京豬頸肉。同出面嘅豬頸肉好唔同，未燒嘅時候已經發現豬頸肉脂肪分佈得好均勻，成塊肉紋理清晰可見，燒嘅時候豬頸肉慢慢收縮，食落入口即溶，肉汁從尖舌慢慢咁流到喉嚨，豬頸肉拎出嚟嘅時候一啲雪氣都無，已經即刻可以燒。仲有一個雞軟骨都十分出色，炸得恰到好處，一咬落去，爽脆可口嘅外表，配上有營養嘅軟骨，係烹調過程師傅令軟骨啱啱好炸熟，唔會變碳焦，非常值得推介。