李家 (筲箕灣道) (已結業)

質素一向有保證嘅李家再開新店，今次嚟到西灣河，餐廳比起其他分店感覺更寛敞同光猛，亦適合一家大細用餐，可以吸引更多客源。西灣河店嘅半半炸雞有得自選配搭，而我都係揀番我最鍾意嘅原味同甜辣，要無骨炸雞可以大啖食好方便。李家嘅炸雞真係做到皮脆肉嫩嘅效果，特別係甜辣炸雞，外面裹滿醬汁裏面仲要有肉汁，十分滋味。海鮮蔥餅都係喺李家必嗌嘅下酒菜－蔥餅加上魷魚、蝦同蜆肉，口感豐富，蔥餅唔易散開，點埋韓式醋醬更好味。午餐時段飲品有優惠，罐裝柑橘汁幾好味唔會好甜；特飲彩虹梳打冇優惠但幾大杯，西柚味酸酸甜甜唔錯，食完炸雞飲係爽呢～