椰子樹泰國料理

營業中

休息中

搬了屋成年，都未試曬屋企附近嘅餐廳。趁星期六行多少少，去試吓西營盤一間椰子樹泰國料理。店內位置唔多、乾淨企理、特別留意牆上的泰國航空公司嘅海報，有去咗旅行嘅感覺。星期六都有Lunch Set，價錢係港島區來講更是超值。主菜點了海南雞飯，廚用了無骨雞脾肉，嫩口而味道適中；香辣肉碎煎蛋飯，適當份量的紅椒十分開胃，豬肉碎與煎蛋亦很配合。冇食早餐，點多份泰式炸春卷及炒雜菜。春卷內加了淡淡的胡椒，算是特別做法。加杯凍檸檬茶及青檸梳打，份量剛剛好。