影片
更多
2008-11-09
44 瀏覽
8-11-2008年幾前食過呢度的藍鰭吞拿魚扒定食, 覺得幾掂 (見 http://www.openrice.com/restaurant/commentdetail.htm?commentid=185592), 今日想 $100 或以下的日本0野, 拉埋未食過的朋友0黎再試. 星期六 7:00pm 入到去, 估唔到大把位, 左睇右睇, 叫了個「火炙藍鰭吞拿赤身飯定食」($98); 朋友就叫了豪一點的「吞拿魚片壽司飯定食」($138).落單後兩分鐘, 先0黎我的定食... 賣相還 ok, 但夾起第一塊赤身, 發覺係有唔少血水漬 "hai" 了落 d 飯度的, 紅 bok bok 一撻撻, 噁心. 輕輕火炙過的赤身食落微暖, 有幾塊少少腥, 唔腥的就無喱味道, 唔好食; 飯底用珍珠米, 唔黏唔韌, 而且幾多積水, 唔掂! 兩件玉子不錯, 即使唔係熱辣辣燒起, 蛋香仍夠, 亦夠甜; 而最好就反而係麵豉湯 (你話死唔死?), 味道濃濃的又唔會過鹹. 唔怪得大家話呢度退步0左好多, 呢碗 donburi 絕對證明大家所言非虛, 嗚呼哀哉!朋友的吞拿魚片壽司飯賣相仲 hea, 一樣有血水
年幾前食過呢度的藍鰭吞拿魚扒定食, 覺得幾掂 (見 http://www.openrice.com/restaurant/commentdetail.htm?commentid=185592), 今日想 $100 或以下的日本0野, 拉埋未食過的朋友0黎再試. 星期六 7:00pm 入到去, 估唔到大把位, 左睇右睇, 叫了個「火炙藍鰭吞拿赤身飯定食」($98); 朋友就叫了豪一點的「吞拿魚片壽司飯定食」($138).
落單後兩分鐘, 先0黎我的定食... 賣相還 ok, 但夾起第一塊赤身, 發覺係有唔少血水漬 "hai" 了落 d 飯度的, 紅 bok bok 一撻撻, 噁心. 輕輕火炙過的赤身食落微暖, 有幾塊少少腥, 唔腥的就無喱味道, 唔好食; 飯底用珍珠米, 唔黏唔韌, 而且幾多積水, 唔掂! 兩件玉子不錯, 即使唔係熱辣辣燒起, 蛋香仍夠, 亦夠甜; 而最好就反而係麵豉湯 (你話死唔死?), 味道濃濃的又唔會過鹹. 唔怪得大家話呢度退步0左好多, 呢碗 donburi 絕對證明大家所言非虛, 嗚呼哀哉!
朋友的吞拿魚片壽司飯賣相仲 hea, 一樣有血水漬之餘, d 紫菜一餅0野的擺埋一邊, 真係「誠意無限」... 吞拿片得極薄, 食落唔算好新鮮, 但起碼有 d 魚味啦; 飯底就係較黏韌又醋味適宜的壽司飯, 總比我0個壇0野好.
環境同以前一樣, 招呼就好差, 店員 serve 0野食, 唔會問係邊個食的, 只會求其放0係檯上 (仲要放到歪埋一邊) 等你自己搞掂, 自己就行開繼續傾偈; 而且係唔會主動加茶的, 到你放隻杯開0黎俾佢加茶, 佢加完之後亦只會由得隻杯離你無雷公咁遠, 由你自己伸手出來拎返埋位的. 雖然呢度唔係高級餐廳, 但連基本服務都做唔好, shame!
連加一每人約 $125, 日本0野0黎講唔算好貴, 但食物實在算得上差, 加上招呼變得好港式日本料理 feel, 無興趣再幫襯了.
張貼
