陳漢記 (已結業)

今晚去到大埔，見OpenRice咁多朋友都讚陳漢記好味，梗係要去試吓啦！<br/><br/>我哋兩個人，叫咗五樣嘢食（真係大食呀！）<br/>牛肉腸粉：粉皮好滑好薄！半透明的腸粉包住滑牛，白裡透紅好誘人！一啖滑入口，軟綿滑溜！好味~！可惜只係微暖，如果熱辣辣就更好！<br/><br/>炸兩：油條好un~！粉皮再滑都冇用…<br/><br/>蠔油芥蘭：好味~！芥蘭爽口，莖夠粗又冇渣~！<br/><br/>北菇滑雞加雞蛋煲仔飯：飯夠乾身，比一般煲仔飯好吃，但係飯焦比較少~<br/><br/>蠔豉滑雞粥：材料份量唔算太多，粥底好綿，食完唔會覺得口喝，不過個粥冇乜蠔豉味。<br/><br/>總括唻講都唔錯，而且仲好抵食！食咁多嘢都只係$98！