三代橋日本料理 (已結業)

今日同女朋友去左馬鞍山試咗一間新開嘅日本餐廳。不過呢間餐廳好特別。。。。。。入去果時個經理同我地講門口位可能會熱少少，問我地有冇問題。咁我嗰時都話冇乜問題，我心諗佢間餐廳有冷氣又有大風機，唔會熱得去邊掛，最多咪喺門口位無咁涼。點知坐坐下我同女朋友都開始頂唔順，因為真係好熱，所以轉左去餐廳中間到坐，之後就開始叫野食。今次叫咗鰻魚壽司，吉列豬扒拉麵，滑蛋豬扒飯。食物方面真係。。。。無地方可以值得要讚，我叫果個滑蛋豬扒飯都真係幾難食。加上店內環境真係好熱，乜嘢心機都冇晒，想減肥嘅朋友黎呢間餐廳食就無死錯人，因為個人會熱到冇晒胃口。不過唯一可以讚嘅地方係佢哋服務真係好好，我哋食完走果時唔記得攞張泊車飛，佢哋個員工走咗成 50 米攞返俾我地。