泰尚泰國菜館 (已結業)

唔好睇西環係一個舊區，其實區內都住咗唔少去中環一帶番工嘅中產一族。話到明中產，佢地對食當然有一定嘅要求。正因為咁，西環一帶都有為數不少有水準嘅食肆。今次我同阿K兩個人，响冇預定目的地嘅情況下走訪到呢間位於一條橫巷嘅泰國餐廳。呢間餐廳雖小，但睇得出店主花咗一啲心機將舖頭嘅格調提高。不過無論係高檔或係平民化都好，呢啲都只不過係花拳繡腿，食物嘅質素先係最緊要。我地兩口子，簡簡單單叫咗三道菜，包括「咸魚炒芥蘭」、「炭燒豬頸肉」、「南瓜海鮮炒飯」。前兩味餸普普通通，冇乜特別之處，但最後一樣就令我印象難忘。飯本身吸收晒南瓜嘅香味，一口飯隱隱然有一股南瓜嘅清香，除咗炒飯之外，我地仲可以刮南瓜肉一齊食，十分之健康。飯後奉上免費甜品兩件，可惜水準真係麻麻地。價錢折合大約一百五十蚊。同一條橫巷裡，細看之下，原來有不少食肆，內裡都擠滿了人。可想而知，這裡是一個有潛質去「開發」嘅新之食蒲點。