一起果醬 (已搬遷) 新店位置

星期日，入西貢行吓~醒起朋友講過"一起果醬"，就去tea一tea喇~一搵到就好鍾意，相信大部分女仔都會鍾意田園feel~~佢有分內堂定戶外位置，戶外方便比狗狗同主人一齊，經過都覺得畫面好養眼呢~喺西貢，可以做到人狗共融，真係非常好，亦係呢個社區既特色吧！大門口放了大型餐牌，可以睇吓啱唔啱食先入舖有一架"走鬼車"放哂佢地出名既果醬，可以試哂咁多個口味哩！店主非常大方!點了個all day breakfast 同一個英式鬆餅叫咗杯梳打添！其實嚟得呢度都係想試佢地既果醬，當然要問吓侍應既推薦口味喇~all day breakfast裡面有一件英式鬆餅，選了草莓味既果醬~唔會太甜，但口味太普通，無咩大驚喜英式鬆餅，選了玫瑰蘋果味既果醬~清甜唔膩！大推！梳打選了雜莓味既果醬~其實有d似利賓立既味其實好怕市面上非常死甜既果醬，但呢度既果醬一食入口就知道係新鮮多料！