成記牛什粉麵

營業中

休息中

食左幾年，由最初XX便利介紹最正牛腩粉至今，最好食係牛腩，可以隨意或指定食、坑腩、爽腩、少肥等。其次牛雜亦好正，草肚夠厚，金錢肚夠，其餘只賣急凍牛雜欠奉的肺、沙瓜、大腸、粉腸、枝腸都ok，算洗得乾靜。其他丸類，首推牛丸，裡面夾有冬菜，挺彈牙、有肉味，難怪蔡瀾都讚好，不過其他丸就差少少，可能並非自家制作關係。另外炸魚皮一家要試，好脆口，幾乎無脆漿，但有落調味，放落湯重會炸炸聲，切記一吃。地方比較差，半露天兼太近後巷，招呼不過不失，街坊形式，老闆等人都容易溝通。並非一般十蚊雲吞麵貨色。