海家小品

營業中

休息中

有事晨早流流要去到北角，諗住食番個靚早餐，咁就入咗一間門面正正常常嘅茶餐廳度食，餐牌整得靚靚仔仔，門面功夫十足，食物水準卻有待改善。沙爹牛肉麵早餐 $33餐肉煎蛋配牛油多士，加多個沙嗲牛肉麵同一杯嘢飲，份量同價錢成正比，正正常常，太陽蛋煎得幾靚，餐肉算大塊，厚度正常，多士都正常，唯獨係個主角沙嗲牛肉麵要彈一彈。牛肉麵個湯清過清湯腩，牛肉似白烚，完全冇沙嗲醬嘅味，老實講佢叫牛肉湯麵好過。麵質同牛肉質其實ok，只係落去淡茂茂，完全冇曬分。